Vieiros

Eganet, a Asociación de Empresas Galegas Adicadas a Internet e ás Novas Tecnoloxías, xa abriu o prazo de recepción de candidaturas para a quinta edición dos seus premios. Os galardóns creáronse para recoñecer o labor daquelas empresas do país que axudan ao desenvolvemento do sector das tecnoloxías da información en Galiza.

Desta volta, Eganet estabeleceu nove categorías diferentes que cobren todos os ámbitos da internet e das novas tecnoloxías: E-emprendedores, Software Libre, Cultura Dixital, Comunicación Web Empresarial, Sociedade Web, Aplicación on-line, E-Commerce, Publicidade online e Tecnoloxía Accesíbel e Segura, ademais dun premio especial. Ademais, por primeira vez haberá catro finalistas por categoría, en lugar dos tres das edicións anteriores.

Pódense presentar candidaturas até o 2 de maio, e a gala de entrega desenvolverase o día 22 en Compostela.