Vieiros

O programador de Traducíndote, Oscar Hermida, acaba de lanzar unha nova versión deste eficaz tradutor automático de software libre. Por vez primeira unha ferramenta deste tipo é quen de traballar con arquivos de Microsoft Word, o editor de textos máis popular, na língua do país.

Traducíndote verte do galego, o portugués e o catalán ao español, e viceversa. En realidade funciona coa base lingüística creada pola iniciativa pública Apertium, tamén de software libre.

A facilidade coa que calquera pode engadir novas funcionalidades a Apertium -como neste caso a tradución de arquivos “.doc”- é unha proba das vantaxes que o uso de código aberto aporta á creación de programas informáticos en galego

Ataques polas linguas empregadas
Por último, cómpre sinalar que na súa web, Oscar Hermida laméntase de ter “tido que aguantar todo tipo de comentarios, algúns deles ofensivos, e correos a raíz dos pares de idiomas que permite traducir”.

O autor -que é alumno do Instituto Chan do Monte de Marín- defende que se invistan máis cartos públicos en ampliar o abano de idiomas de Apertium. “Cantos máis idiomas se traduzan automaticamente mellor, e de todas as combinacións posíbeis, como se existe un tradutor do élfico ao español, si unha asociación de frikis quere… ¿porque non?” preguntase o informático, quen tamén pide “tolerancia” aos usuarios.